संजय गांधी निराधार योजना

राष्ट्रीय कुटुंब लाभ योजना

निकष :

• दारिद्रय रेषेखलील कुटुंबातील १८ ते ६४ वर्ष वयोगटातील कोणत्याही कमावत्या व्यक्तीचा मृत्यु झाल्यास, मृताच्या कुटुंबाला /वारस लाभार्थीला एक रकमी लाभ दिला जातो.
• केंद्र शासनामार्फत एक रकमी रुपये २०,०००.

इंदिरा गांधी राष्ट्रीय वृध्दापकाळ निवृत्तीवेतन योजना

निकष :

• ६५ व ६५ वर्षावरील दारिद्रय रेषेखालील कुटुंबाच्या यादीत नाव असलेले वृध्द निराधार स्त्री व पुरुष लाभार्थी.
• केंद्र शासनामार्फत रुपये २००/५०० (८० वर्ष व त्यापेक्षा अधिक लाभार्थीस रुपये ५००) राज्य शासनामार्फत रुपये १,३००/१,००० (श्रावणबाळ निवृत्तीवेतन योजने मधुन) असे एकूण रुपये 1,500 अनुदान.

इंदिरा गांधी राष्ट्रीय विधवा निवृत्ती वेतन योजना

        निकष :

• दारिद्रय रेषेखालील कुटुंबाच्या यादीमध्ये नाव असलेल्या ४० ते ६५ वर्ष वयोगटातील विधवा लाभार्थी.
• विधवा महिला, घटस्फोटीत महिला, परित्यक्त्या महिला, अत्याचारित व वैश्या, तृतीयपंथी लाभार्थी.
• १ अपत्य असलेल्या विधवा लाभार्थ्यांना रुपये २०० व २ अपत्य असलेल्या विधवा लाभार्थ्यांना रुपये ३०० (राज्य शासनामार्फत रुपये 1,300/१,२००) अस एकुण रुपये 1,500 अनुदान.

इंदिरा गांधी राष्ट्रीय दिव्यांग निवृत्ती वेतन योजना

निकष :

• १८ ते ६५ वर्ष वयोगटातील दारिद्रय रेषेखालील कुटुंबाच्या यादीत नाव असलेले लाभार्थी.
• ८०% टक्क्याहून जास्त अपंगत्व असलेल्या व्यक्ती.
• केंद्र शासनामार्फत रुपये ३०० (राज्य शासनामार्फत रुपये १२००) एकुण रुपये १५०० अनुदान.

संजय गांधी निराधार अनुदान योजना

निकष :

• ६५ वर्षापेक्षा कमी वय असलेला लाभार्थी.
• वार्षिक उत्पन्न रुपये २१,००० व दिव्यांग लाभार्थ्यासाठी रुपये 50,000 असावे.
• दिव्यांग, दुर्धर रोगग्रस्त, निराधार पुरुष/महिला, विधवा घटस्फोटीत, परित्यक्त्या महिला, अनाथ मुले, तृतीयपंथी लाभार्थी.
• राज्य शासनामार्फत रुपये १,२००/१,300 (केंद्र शासनमार्फत रुपये ३००/२००) व रुपये १,५०० असे एकुण रुपये १,५०० अनुदान.

श्रावणबाळ सेवा राज्य निवृत्तीवेतन योजना

निकष :

• ६५ व ६५ वर्षावरील लाभार्थी.
• दारिद्रय रेषेखालील कुटुंबाच्या यादीत नाव नसलेल्या व रुपये २१,००० पेक्षा कमी वार्षिक उत्पन्न असलेल्या वयोवृध्द निराधार स्त्री व पुरुष लाभार्थी.
• राज्य शासनामार्फत रुपये १,०००/१,३००/१,५०० (केंद्र शासनामार्फत रुपये ५००/२००) असे एकुण रुपये १५०० अनुदान.